Electrical Connections a Earthing Tha pawimawhna: Mizoram chhunga kan tawnhriat atanga hriatzauna

Kum tamtak, Mizorama mipuite current kan fit sak tawh atanga kan tawnhriat chu, earthing mumal tak lo pawimawh zia hi ani. Current chuangliam, a him chin, current kal theihlohna a, a sem darhna mumal tak kan lo neih thin loh avang hian mipui ten harsatna tamtak kan lo tawn phah fo reng ani. Mipui ten earthing pawimawhna an hriatloh vanga harsatna an tawh thin te leh eathing tha pawimawhna te han sawi dawn ila.

1. Electric Shock laka inven nan

Mipui tamtak ten earthing pawimawhzia hrelo in, earthing mumal tak tello in current kan lo fit ve ngawt zel a, a mihring a te awlsam taka electric shock tuar thei dinhmunah kan indah thin ani. Kan clients tamtak te hian an current fit sa ah earthing mumal an neilo tih anin hrelo chawk a, a hlauhawm in a him lo em em ani. Kan chenna inah te earthing mumal kan neilo anih chuan, current lam fello a awm thut changin electric shock lakah kan himlo bik em em a, earthing mumal tak kan neih thung erawh chuan, current chuangliam, current leak thei zawng zawng a him chinah alo in sem darh vek thin ani.

2. Power Surge laka hmanrua leh bungrua ven nan

“Current Su” hi Mizoramah chuan kan buaina tawh tlanglawn ber te zinga mi a ni a, current su vang hian kan khawl neih te a chhiat phah fo reng ani. Earthing mumal kan neihloh chuan kan khawl neih te hi current su lakah an derthawng lehzual em em ani. Mipuiten earthing leh kan khawl neih te in kungkaihna hi kan hrelo thin a, earthing a thatloh chuan current voltage a san thut te hian an khawl ten an tuar ta thin ani. Chuvangin kan khawl neih te an tlo theih nan earthing tha neih hi kan tihmakmawh ani a, mi tamtak earthing tha kan vuah sak avangin an khawl siamthat nan a sum taktak anlo sen na  tur te kan sut kian sak fo tawh ani.

3. Kangmei chhuak thei laka inven nen.

Earthing tha neihloh avang hian kangmei nasa tak a chhuak theiin a chhuak fo tawh bawk a, kan tawnhriat atangin earthing tha lo hian current line ah mei si per a siam thei a, chu chu kang kaiin kangmei nasa tak a chhuak thin ani. Heng kangmei avang hian in leh lo te leh sum leh pai tamtak mipui ten anlo chan phah fo tawh a, heng channa nasa tak laka kan inven theih nan earthing tha neih hram hram hi kan tih makmawh ani.

4. Khawl felhlel vanga hna khaihlak laka invennan

Tluang taka sumdawnna kalpui theih nan hian khawl lama felhlel awm zeuh pawh hi a pawi em em a. Earthing mumal kan neihloh chuan voltage instability te thlen theiin, kan khawl ten a tuar phah thei a, hei hian hna a ti khaihlak thei a, khawl siamna man ah pawisa kan sen phah teuh thei bawk ani. Sumdawnna enkawltu tamtak te hian earthing tha pawimawh zia hi an hrelo thin a, an hlawk tur angin an hlawk theihloh phah fo ani. Kan clients te hi earthing pawmawh zia kan hrilhhre fo thin a, sum leh pai tam tak an hmuh belh phah in an pawisa chan theihna tur harsatna thleng thei kanlo sut kian sak fo tawh ani.

5. Dan leh inkaihhruaina zawm nan

Mizoram leh India a electrical safety regulations, current fit lama dan leh inkaihhruaina kan neih ah hian, kan him zawk nan earthing mumal neih ngei ngei tur tih ani a, amaherawhchu mi tamtak in he dan hi kan hrelo in kan ngaihthah mai thin a ni. Current fit mai bakah mipuite him zawk na tura hmalak hi keini chuan kan tih makmawh ah kan ngai a, chuvangin keimahni kaltlangin current line him tak ngei chauh lo nei la, tawhsual tawh theihna leh hremna tawh theihna lakah ilo fihlim zel dawn ania.

Conclusion

Mizoram chhunga kan tawnhriat tawh atangin, earthing tha tak neih lo pawimawh zia inhrilhhriat hi current fit nen a pawimawh dan a inang reng tih kan hmuchhuak a, earthing tha leh mumal tak hian current vanga intihpalh theihna tamtak lakah min veng thei a, chhiatna leh sum leh pai tam tak hman ral theihna lakah min veng thei ani. Chuvangin keini chuan mipuite him zawk theihna tura earthing tha leh mumal tak, man tlawm leh tlo si zoram mipuite hnena chhawp chhuah hi kan tih makmawh ah kan ngai ani.