PM Surya Ghar: Muft Bijli Yojana; Ni zung chakna hmang ṭangkaia Mizoram a awlsamna thlentu

He scheme hmalakna in Mizoram a danglamna a thlen theih dan

PM Surya Ghar nihna chu enge ni I han bel chiang dawn teh ang: Muft Bijli Yojana scheme hi Mizoram mipui te tan hmasawnna thlen thei tu ani.

Eng vangin maw?

He scheme hian electric bill to tak tak kan sen ṭhin te chhawk zangkhai turin, mahni in chung ngei a solar panel hmangin ni zung chakna ringin, Êng kan chhit ve theih mai bakah sum leh pai tam tak kan sen tur lakah min veng in leilung tichhe lo zawng in khuanu duansa ‘Ni’, a thlawn a kan dawn leh kan hmuh khi ,kan hmang ṭangkai dawn tihna anih chu. Mizoram chhung ah electric mamawhna sang zel leh indaihlohna karah pawh kawng tam takin min puih mai bakah, mahni intodelhna a thlen tel dawn bawk ani.

He scheme hman hi enge a hlawkna?

He scheme hian Mizoram mipui te nasa takin sum leh pai dinhmunah harsa zawk te tan pawh a awlsam taka an neih theih nan, subsidy hmangin heng solar panel te hi awlsam leh sum tam tak sen ngailo in dah sak theih anni a. Heng subsidies atan hian consumer khatah cheng nuai ₹2.65 thleng subsidy hi awm in,sum tam tak seng loin ni zung chakna ringin, êng chhit ve theih anih mai bakah, electric bill tam tak avanga harsatna min sut kian sak thei dawn ani.

Heng ni zung chakna solar power kan hman te hian mi nawl puiah electric bill a kan insenna a ti zangkhai zualin, ei leh bar kan nitin mamawh ah indaihzai zawk a kan hman theih nan, sum leh pai a lo khawl  ṭhen ve zelna hian nakin hun lo awm zel turah pawh khawsakna ati awlsam zawk ngei bawk ang.

Mizoramin ni zung chakna (solar power) hman ṭangkai kawnga a dinhmun leh hmalakna :

Mizoram chuan he scheme hi a ngai pawimawh in inzirtirna pawh a kal pui ṭha hle mai a, Solar power hman ṭangkai anih zual theih nan sawrkar hriatpui na hnuaiah solar power supply leh zawrh, company hrang hrang 12 lai te nen tunah hian thawhhona ṭha tak neiin solar panel te dahsak a,a enkawl dan te nen a zirtirna kal pui mek zel ni bawk ani. A hmangtu mipui ten awlsam tak leh harsatna awmlo a an hman theih nan, Central lo belh turin state sawrkar chuan cheng vaibelchhe ₹4Cr lai mai chu a buaipui na tur subsidy ah hian a dah bawk a. Tun dinhmunah Mizoram chhungah chhungkaw 650 lai in he scheme hi an apply tawh a. Hei hian mipuiah a tlak nat zia leh ṭangkaina a ti lang chiang awm e.

Solar power (ni zung chakna) lama kan sulhnu te:

Kei ni Ten Joules te hi Solar power lamah hian kan mikhual tawh lo hle a,solar power pek chhuahna hmanrua heng: Solar rooftop (in chung a dah chi), off grid mai bakah Hybrid thlengin Mizoram hmun hrang hrangah hun rei tak chhung chu kan lo buaipuiin kan lo enzawl zui sak tawh a. Tin, mithiam leh tawn hriat lo ngah tawh tak tak team kan neih avangin,a dahsak leh enkawl zui, siam leh buaipui kawngah min dawrtu te tan harsatna awm apiangah kan buaipui zung zung bawk avang hian min dawrtu te tan ngaihngam tak siin inthlahrung hauh lo a dawr theih reng kan ni.

Sawrkar hriatpuina thlap nen a Tenjoules company te hian zuar kan nih avangin, Sawrkar hnuai a Surya Ghar scheme kal tlang hian Mizoram mipui tam tak pawl, mimal leh sumdawnna hmun te nen pawha he solar power hmang ṭangkai a, thawk ho tawh kan nih mai bakah puih kan inhuam reng a ni. Kan ramngaw chereu zo tur venna atan khuanu duan sa hmang ṭangkaia ni zung chakna hmangin sum leh pai tam tak sen ralna lakah a chhan ngei bawk ang che. Tun hun hi i tan intodelhna hun sawrkar ngheng lo a, nangmah ngei a i harsatna electric current awm ṭhat loh avanga I buaina sut kian nan leh I chhehvel ramngaw leh nungcha, kan tu leh fa te tan hmalam hun thlir zel chungin solar power energy hmang ngeiin aw niang.

Ten Joules te hi min lo bia la, Solar energy ring a I zinkawng bul rawn ṭan rawh le…

A hnuai ah hian I subsidy rate lo chhut chhin teh le.